ОБЕГ-ын тэргүүн дэд дарга, бригадын генерал Г.Ариунбуянгаар ахлуулсан Улсын Онцгой комиссын “Шуурхай бүлэг” Дорноговь аймгийн Замын-Үүд сум дахь “Замын-Үүд” хилийн боомтод ажиллалаа.

  Ажиллах үеэрээ Сумын Онцгой комиссыг хуралдуулан, шинэ коронавирусийн  халдвараас урьдчилан сэргийлэх, тэмцэх талаар авч хэрэгжүүлж байгаа арга хэмжээ, тулгамдаж байгаа асуудлын талаар мэдээлэл сонслоо.

БНХАУ-ын Сар шинийн баяр 2020 оны 1 дүгээр сарын  25-27-нд тохиож байна. 

“Хилийн боомт тэдгээрийн дэглэмийн тухай” Монгол Улс, БНХАУ-ын Засгийн газар хоорондын 2004 оны хэлэлцээрийн 4.3-т заасны дагуу Монгол, Хятадын хилийн авто замын боомтууд нэгдүгээр сарын 25, 26, 27-ны өдрүүдэд амарна. 

Харин Замын-Үүд төмөр замын боомтоор нэвтрэх олон улсын галт тэрэгний цагийн хуваарьт өөрчлөлт орохгүй.

БНХАУ-тай хиллэдэг авто замын боомтууд:

1. Замын-Үүд
2. Гашуунсухайт
3. Булган
4. Байтаг
5. Хавирга
6. Бичигт
7. Шивээхүрэн
8. Ханги
9. Бургастай
10. Даян
11. Баянхошуу
12. Сүмбэр

Эдгээр боомт нэгдүгээр сарын 25-27-нд АМАРНА.

Монголын Үндэсний эрх чөлөө, тусгаар тогтнолыг сэргээсний 108 жилийн ойн баярын өдөр 2019 оны арванхоёрдугаар сарын 29-нд тохионо. Энэ өдөр  хилийн  боомт ажиллахгүй. Харин олон улсын галт тэрэг болон нисэх онгоц цагийн хуваарийн дагуу зорчино.

“Хилийн боомт тэдгээрийн дэглэмийн тухай”  Монгол Улс, БНХАУ-ын Засгийн газрын 2004 оны хэлэлцээрийн 4.3-т заасны дагуу  болон Нийтээр тэмдэглэх баярын болон тэмдэглэлт өдрүүдийн тухай МУ-ын хуульд зааснаар Бүгд Найрамдах Улс тунхагласан өдөр буюу 11 дүгээр сарын 26-ны өдөр, Их Эзэн Чингис хаан мэндэлсэн билгийн тооллын өвлийн тэргүүн сарын шинийн 1 буюу 11 дүгээр сарын 27-ны өдөр тус тус авто замын боомт амарч 2019 оны 11 дүгээр сарын 28-ны өдрөөс хуваарийн дагуу ажиллахыг мэдэгдэж байна.Харин Олон улсын галт тэрэг цагийн хуваарийн дагуу зорчих болно